പിറവി

ഉറക്കം നഷ്ടപ്പെടുത്തിയ രാത്രികളിൽ

ഞാൻ നിന്നെ തിരഞ്ഞുകൊണ്ടേയിരുന്നു

പിടിതരാതെ നീ വഴുതി മാറുമ്പോഴും

നിനക്കായി ഞാൻ കാത്തിരിപ്പു തുടർന്നു

മനസ്സിൽ കോറിയിട്ട അവ്യക്തമായ കുത്തുകൾ 

എന്നെ മാറി മാറി അസ്വസ്ഥമാക്കി

നിന്റെ മൌനം എന്റെ തലച്ചോറിനെ ഇളക്കി-

മറിച്ചപ്പോഴും നീ ഊറിച്ചിരിച്ചതേയുള്ളൂ

കുത്തുകൾ കൂടിച്ചേർന്ന് വരകളേയും

വരകൾ അക്ഷരങ്ങളേയും

അക്ഷരങ്ങൾ വരികളേയും ഗർഭം ധരിച്ചു

അങ്ങനെ നിലാവുള്ളൊരു രാത്രിയിൽ

നക്ഷത്രങ്ങളെ സാക്ഷിയാക്കിയവൾ

ആശയങ്ങൾക്കു ജന്മം നൽകി....